鍾采羲求筍工 應徵Psy女郎
o靚模「爆E超蓮」鍾采羲（Iris）自薦應徵「Psy女郎」，以性感DJ及瘋狂護士造型拋「事業專長」拍影片，自言不惜獻上「第一次」，務求能令紅遍全球的Psy目瞪口呆，成為對方的私人助手及廚師！
韓國人氣歌手Psy與其代言的餐廳，早前全球招募私人廚師，並開出一個月豪華環球之旅，以及4萬美元（約31萬港元）酬勞等誘人條件。o靚模「爆E超蓮」Iris率先自薦，偕孖生師妹大孖張詩雯、細孖張詩雅拍片應徵「Psy女郎」！
日前，Iris以兩個性感造型上陣，先以低胸裙打碟，不時俯身勁拋「事業線」，為求令Psy能一睹她的「專長」，而另一個造型則玩騎呢，穿上護士服、爆炸頭，再搽上藍色唇膏勁跳Psy的舞步，希望帶來一見難忘的視覺震撼。
自知廚藝唔掂
問到Iris為何以騎呢造型上陣？她即忍不住笑說：「其實我都未試過咁爆嘅造型，將第一次畀咗Psy！」但對方明明是招募廚師，為何卻穿護士服？她謂：「有睇過其他參賽者，擔心自己廚藝唔夠勁，惟有着第二套衫，希望增加Psy食欲。（色誘Psy？）哈哈，總之希望佢鍾意呢一身造型啦！」Iris透露拍攝只籌備了數天，但有信心能吸引Psy的注意，又表示會把影片上載，與網民一同分享。
文：專案組