黎耀祥從失敗中學習
由視帝黎耀祥主演的劇集《神探高倫布》收視繼續低迷，上周平均收視只得22點。昨日他到電視城開工，被問心情可受影響？他說：「咁又唔會，唔係每套都一定得，影帝票房都會仆直，從失敗中學習。今次都睇到好多嘢，觀眾水平高咗，對於唔合理嘅劇情會作出質疑，係寶貴經驗，依家拍《巾幗3》（《巾幗梟雄之諜血長天》）都有少少改動。」
此外，無綫接獲八宗投訴指《神》劇劇情難理解，收視平均21點的節目《玩嘢王》亦有2宗投訴指節目沒有意義。廣管局方面，《神》劇有19宗投訴，《金枝慾孽貳》有4宗，《玩嘢王》亦有16宗。