蔣家旻 朱敏瀚拖手斷正
有「少女版佘詩曼」之稱的無綫小花蔣家旻，與男新人朱敏瀚暗交數月，即使多次拍得結伴行街，依然否認戀情。前晚兩人十指緊扣現身銅鑼灣，但遇見傳媒後即嚇得尷尬彈開，問是否拍拖時，蔣家旻竟擘大眼講大話：「唔係呀！」
現年23歲、有「少女版佘詩曼」的蔣家旻（Angel）被無綫力捧，近期劇集一部接一部，更獲派演出處境劇《愛‧回家》。早前傳她與《愛》劇飾演哥哥的羅天宇撻着，但實情Angel的真命天子是比她年輕兩年半、曾演劇集《點解阿Sir係阿Sir》的K4成員之一的朱敏瀚（Brian）。兩人暗交數月，雖然多次被拍得相約行街，但依然否認戀情，不過Angel大讚男方思想成熟，細心又體貼。
睇篋有商有量
前晚8時許，穿間條長身衫的Angel與穿格仔衫的Brian十指緊扣現身銅鑼灣，前往附近一間高級行李箱專門店。雖兩人推門進入時，發現該店剛剛關門，但店員見狀即為兩人開門。見Angel不時俯身研究行李箱，Brian則在旁給予意見。他們僅逗留五分鐘，睇完一輪卻混吉走人。
擘大眼講大話
之後兩人翹手步往開平道，但遇上在場等採訪王家衛的記者，即尷尬得各自彈開！問是否拍拖？Angel竟然擘大眼講大話：「唔係呀！（你哋翹晒手喎！）唔係，唔係。（睇篋準備去旅行？）唔係，佢返工用。」而Brian只站在旁邊低頭不語。
文、攝：追蹤組