葉寶安扮聲高手 菊姐上身
體重高達200磅的新進歌手葉寶安（BON），憑肥嘟嘟的外形及靚聲紅爆網絡，他表示要令人人認得自己，所以不會刻意減肥。此外，他亦是扮聲高手，他自爆在K房唱側田的歌曲，令友人誤以為真人現場演唱，又曾以高音扮關菊英（菊姐）唱歌！
現年二十二歲的BON，體重雖然高達200磅，但勝在外形肥得可愛，而且擁有一把靚聲，故成功吸引不少網友討論。雖然潮流興瘦身，但BON拒絕刻意減肥，他說：「其實由小六開始一直肥到依家，做咗歌手都唔會刻意減到好瘦，因為咁先係一個標誌，等大家都認得我！」
唱K激似側田聲
BON不介意予人肥嘟嘟的形象，暗地裏更是一位扮聲高手，亦因此而譜出不少爆笑事，他自爆：「有一次同班朋友去唱K，我點咗首側田嘅歌，唱咗無耐啲朋友就問：『你做咩唔撳走伴唱？』咁我就呆咗同佢哋講：『吓？我咪唱緊囉！』嗰刻先知原來佢哋覺得我同側田把聲好似！」雖然唱得猶如側田上身，但是有鋪扮聲癮的BON卻認為最似是扮關菊英：「細細個我喺合唱團係高音組，所以唱女聲都無咩問題，而且我最鍾意扮菊姐唱歌，次次唱親都勁high，因為連我自己都覺得好似！」
新歌唱出人情味
除了最叻扮其他歌手唱歌，BON亦深明做歌手需要突出自己的聲線，對自己信心十足的他亦謂：「其實有啲歌真係要用番嗰位歌手嘅演繹方式，咁樣唱先有嗰種feel，但嚟緊六月出嘅歌，就會用番我嘅演繹方式，等大家可以透過音樂去認識我！」他又透露新歌內容一反樂壇主流，不唱失戀歌，改為唱出人情味，他說：「今次首歌比較貼近社會所需，同埋樂壇都比較少呢類元素，所以想借首歌提醒大家要用真心待人，同埋做人要豁達啲！」
文：專案組