馬浚偉再戰樂壇 我鍾意唱歌！

馬仔電視人形象深入民心，但原來早於二十年前，他是以歌手身份入行，當年更取得「叱咤男新人銀獎」，認真巴閉。向來風趣幽默的馬仔透露當年得獎趣事：「當年得兩個男歌手競逐新人獎，一個就係我，一個就係鄭嘉穎，銅獎係吉o架！」一九九三年他推出第一張唱片，至二○○三年推出最後一張，馬仔決定今年再戰樂壇「重操故業」。Angela問馬仔是否為「斷層」樂壇十年而推出新碟作紀念時，近年密密在內地搵銀的他稱出唱片非為賺錢，亦不是因為錢多：「其實係因為我鍾意唱歌！」

認識國家級運動員

過去十年專注拍劇的馬仔，近年認識不少運動員，當中不乏國家級選手：「呢幾年除咗拍劇之外就係打羽毛球，所以識咗好多運動員朋友。」馬仔新歌《心照》的靈感亦是源自運動員朋友：「其實運動員都有一種特質，就係好直接，佢哋唔會諗太多同有複雜嘅想法，所以同佢哋相處得好開心。」

楊怡曾任馬浚偉ＭＶ女主角。

馬浚偉與俞詠文邊食邊傾，無所不談。

重遇楊怡一拍即合

馬仔十年前首本名曲《玫瑰與家明》MV其中一位女主角原來是視后楊怡，馬仔坦言當年不認識對方：「我當時對佢完全冇印象，唔知佢就係楊怡。」怎知之後二人合作拍劇，竟一拍即合成為好友兼契兄妹，他說：「佢係我最疼錫嘅一個契妹。」如果想知道馬仔更多趣事，請即click入《娛樂onShow》收看。

文：專案組