何紫綸做形指望名利雙收
模特兒何紫綸（Ann）轉型幫人做形象指導後，有不少公司找她幫新人做形象顧問，最近她就為2012年中國小姐香港賽的季軍曹越做形象顧問影硬照，曹越表示：「Ann好清楚我適合乜形象，仲會落手落腳幫我整頭，佢係真唔話得。」
Ann做到冇停手兼豬籠入水，更希望名利雙收：「以前辛苦工作，依家有啲名氣，都係時候搵番啲利喇，做開形象就多人搵我，冇白費自己心機。」Ann除做幕後形象工作，同時又要打理自己的化妝學校，但她坦言不會放棄幕前的模特兒工作：「做幕前可以keep住曝光率，但就會揀job做，做啲自己鍾意做嘅嘢，一做嘢就唔覺攰。」