鄧芷茵佗B辛苦入直路
歌手鄧芷茵（June）意外佗Ｂ後仍來港落力四圍宣傳新歌，腹大便便的她終於在四月飛回加拿大安胎，她也不禁笑言：「入最後直路啦，呢段時間真係辛苦到爆，恨不得快啲『咇』咗佢出嚟！」她指因為腰骨經常陣痛，又有胃病前科：「日日胃酸倒流，一係胃痛，一係想嘔。做人阿媽真偉大，如果第時佢唔乖，我會諗定啲古靈精怪嘅方法對付佢。」
她又表示起初覺得自己懷着個「粗魯Ｂ」：「成日踢個唔停，但係前排照超聲波時，見佢蘭花手！」 預產期六月的June更上影樓拍下最美的一刻，老公更大Chok甫士，她說︰「擺啲姿勢仲鬼死咁好笑，又咬唇又Chok，搞到攝影師都忍唔住係咁笑！」今次寫真更有全裸鏡頭，不過June表示只會留來自己欣賞。