唐寧玩瑜伽紓緩壓力
靚媽唐寧產後身形一如以往fit到漏，臉形尖尖的她更顯成熟及有女人味，當被問到是否因湊仔辛苦而捱到瘦時，她說：「我冇嘢做就會同仔仔一齊，好鍾意同佢玩，覺得好開心，一啲都唔覺得辛苦。」而身邊好友更覺得她與兩歲仔仔如「姊弟」般，可愛又溫馨。
愛狗之人的唐寧養有四隻狗仔，其中一隻啡色唐狗「Coffee」更與她同住，另外三隻則留於娘家。Coffee不但是仔仔的玩伴，更是他的「哥哥」，她笑說：「仔仔會叫佢做『哥哥』，因為Coffee真係大過佢，而我哋就好似一家人咁。」最近她迷上瑜伽，她表示雖然做運動很累，但可以放鬆心情及壓力：「做瑜伽令我心境平靜咗，仲可以調節生活上嘅壓力，所以我會繼續做。」