白冰難忍笑 拒關智斌談情

白冰在2006年已加入英皇，直至去年在郭子健執導的《救火英雄》結戲緣後，才與Kenny友情升級。Kenny表示：「我同佢、衛詩雅成日圍埋一齊研究星座，幕後人員都讚冰冰好有修養，去年聖誕節佢買咗好多禮物送畀我哋，好窩心。」

二人在戲中被火災場景弄得滿面灰塵，不過白冰最近在內地劇穿上唐朝性感戲服，令Kenny為之驚艷！他說：「我唔認得係佢！平時拍戲見佢污糟樣，反差好大。終於明白點解佢喺內地咁火，因為佢可以畀到唔同角色生命力！」Kenny又說：「最好笑係我同胡軍講北京有咩地方好玩，佢竟然唔識，仲叫我哋下次帶佢去。」白冰約定Kenny，下次去北京記得找她，但說到合演情侶，卻異口同聲耍手擰頭。Kenny笑說：「這對情侶一定很吵！」白冰則謂：「不能太深情，一定會笑啊！」看來二人還是較適合演兄妹！

關智斌最近常返內地拍劇。

關智斌與師妹白冰碰頭，最愛研究星座。