Monna遭鹹濕鬼摸胸
上月28日牛一的「混血E神」林宜芝（Monna）日前獲粉絲為她舉行生日派對，問到生日願望？她說：「希望唔會老，每日都過得開心，搵到個愛我嘅人。（男友唔愛你？）唔知呀。（想佢送咩？）我希望收到親手做嘅嘢，可以擺喺屋企紀念，望見都會諗起對方。」Monna直言今年暑假不會出寫真：「年年出寫真好悶，今年想諗啲創新嘅嘢，可能出video，立體啲好睇過相！（全裸？）梗係唔會，依家都唔興啦！」
稍後她會主持有線節目《怪談》，Monna自稱曾兩度「撞鬼」：「有次瞓緊覺突然郁唔到，覺得背脊有啲涼，好似有嘢想攝入身體，耳仔又聽到抖氣聲，我鬧完佢之後就郁得番。事隔一個月，我擘開眼見到個影，有隻鹹濕鬼喺度摸我胸，仲見到佢望住我，好驚！」