梁嘉琪唔做弱女露奸相

加入無綫近5年的梁嘉琪過往都是演一些較弱的角色，為無綫拍的處女劇已有「藥煲」的稱號，她笑言自己也不明箇中原因，她說︰「可能睇落我好弱啩。」不過嘉琪於新劇《金枝慾孽貳》中卻一反「傳統」演奸角，她說︰「今次同以往好唔同，係演一個都幾奸嘅宮女，為自保出賣自細服侍的主人，我覺得係一個幾好嘅嘗試，希望大家會鍾意。」

獲戚其義畀機會

對於能參演此劇，嘉琪直言非常開心，表示能夠拍攝監製戚其義臨別之作意義重大，她說︰「舊年拍到《金》劇，雖然用差唔多半年去投入呢個劇，但可以參與演出，仲係喺戚其義走之前拍到佢嘅劇，我覺得好開心，好光榮！」她又感激監製能給她機會演出弱女之外的角色，她說︰「以往都做開好柔弱嘅角色，佢係第一個畀奸角我做，畀人哋睇到我另一面嘅角色。」

拍劇主持齊發力

雖然近年接拍的劇集，嘉琪的戲份不是太多，但她未有灰心，直言去年的努力不是白費，她說︰「事業上仲播緊種，好似上年咁，成年都無停過，係我入咗無綫後最忙碌嘅一年。而且好多人會專注拍劇，或者主持工作，但我兩邊一齊做，能夠做到我鍾意嘅工作，我覺得好開心。」

文︰專案組