謝君豪拍港劇有得傾
謝君豪與蘇玉華將再度演出杜國威編劇、高志森監製的舞台劇《南海十三郎》，事隔廿年，粉絲們依然同樣熱情，廿場門票一開賣便迅速售罄，其後加開的兩場門票同樣一掃而空，謝君豪說：「好多謝大家嘅支持。我最希望多啲年輕觀眾入場，可以了解吓香港和廣東當年嘅時代背景文化，好有得着。（再加場？）要問場地許唔許可，我隨時準備好，絕對無問題。」
近年在內地拍劇的謝君豪被問到會否有意返香港拍劇？他說：「有人搵咪傾囉，有工開做乜要推呀？（有冇留意近期香港劇集？）都有睇吓，我好鍾意睇《大太監》，黎耀祥同陳國邦做得好好；《老表，你好嘢！》都好好睇。」
