伊健搵奶粉錢 吊得過癮
鄭伊健日前拍攝果汁廣告，賣力又「撻」又「吊」，向來「大細路」的他亦玩得好開心。早前傳太太蒙嘉慧睇中醫、通穴道谷胎，一改口風指生仔隨緣的伊健，近日亦密密接job兼開騷，相信是想努力賺奶粉錢，為做個好爸爸鋪路。
今年初與蒙嘉慧（YoYo）在東京秘婚的鄭伊健，婚後頻頻被「催生」，他卻一直表示「未有打算」，雖然YoYo也對外聲稱「生仔如發噩夢兼坐監」，事實恨Ｂ恨到出汁的她，日前有傳終於氹掂伊健「造人」，更被拍得前往中醫館通穴道谷胎，而近日伊健亦一改口風，上月澳門個唱完騷後，對於粉絲及楊千嬅祝他早生貴子，他謂：「不嬲冇呢個打算，但既然千嬅咁講就放長雙眼，順其自然啦！」騷後，伊健亦開始密密接job，日前則取代陳奕迅為果汁品牌拍攝新一輯電視及平面廣告，一於努力賺奶粉錢，轉型做個好爸爸。
凌空跳躍
拍攝廣告當日，出名「大細路」的伊健對現場的「巨型扭橙機」及真草皮等道具大感興趣，寓工作於娛樂的他，更落力又「撻」又「吊」，凌空做出多款跳躍動作，雖然一把秀髮被撻到「飛」起，但見其「笑到見牙唔見眼」的表情，已知伊健樂在其中。擁豐富拍攝動作片經驗的他，要「吊威也」可謂駕輕就熟，伊健說：「我一向都愛做運動，特別鍾意打羽毛球同潛水，所以今次大量嘅動作鏡頭，我絕對應付得嚟。」
必須運動
閒時愛跟老婆YoYo相約好友黎諾懿等打羽毛球的他，直言覺得運動及健康飲食是生活的必需品，並謂：「要保持心境開朗，就算簡單飲杯橙汁，對我嚟講都係個Good Day享受，希望香港人同我一樣可以日日Good Day！」看來伊健已開始與YoYo調理身子積極「造人」，齊齊為未來打造Good Day。
文：影視組