嘉玲選戰衣出征康城
影后劉嘉玲即將出戰康城電影節，問鼎「一種關注」單元最佳女主角獎項，為以最佳狀態示人，嘉玲前日相約助手及好友齊齊往名店置裝，買到興高采烈的嘉玲展現巨星風采，大方向記者鏡頭揮手示好。
劉嘉玲憑與陳坤主演的電影《過界》，入圍本月15日開幕的國際影壇盛事「第66屆康城電影節」其中「一種關注」單元，成為十八部參賽電影之一，為了以最佳姿態在電影節示人，嘉玲已開始密鑼緊鼓作好準備，買定靚衫踏上紅地氈。
十指緊扣
前日下午3時多，戴上黑超的嘉玲撇低老公梁朝偉，以一身醒目打扮，黑色外套襯白色恤衫的她在助手及兩名女友人陪同下現身中環。助手提着數袋戰利品，看來嘉玲當天收穫相當不錯，買得興起一行人浩浩蕩蕩地步入鞋店，入內不久又有斬獲，未幾嘉玲心情靚靚地和女友人十指緊扣步出，邊行邊傾，顯得相當雀躍，睇完鞋再入時裝店睇靚衫，由於戰利品愈來愈多，助手需要先行將一袋二袋送上車再折返。
大方揮手
好友相伴置裝行足半天，嘉玲識做地宴請大家去食Tea抖一抖，甫坐下，向來身材驕人的她不經意露出白滑心口，極為誘人，一行人食足個多小時，離開時嘉玲發現記者鏡頭，心情大好的她展現巨星風采，大方地揮手示好，然後繼續行程。文、攝：追蹤組