祥仔新劇劣評生日隊啤
三屆視帝黎耀祥昨日出席一啤酒活動，適逢其舊曆生日，有影迷特別送上壽包與鮮花到場祝賀。現場有人叫祥仔做「布布」，嚇到他彈起，並表現抗拒地自嘲：「吓？死咗翻生？」他坦言知道《神探高倫布》劣評如潮：「有人批評套劇誇張、唔合理，其實如果節目巡禮介紹時話明係科幻劇，觀眾唔當喜劇睇，就唔會咁失望。（怕拖累你今年難攞視帝？）我以前拍戲都係票房毒藥啦，今年攞唔到，咪出年囉，我又已經得咗三屆咯，唔使強求。（唔緊張，係因為至今冇人破到你紀錄？）你哋話咋。」
而前晚《高》劇繼續離奇，「布布」被咬到出血，無故自愈，唐詩詠以電鋸殺黃子雄，則有《天與地》人食人影子。