Jeana戀情告急：依家分房瞓
有「不倒胸」之稱的o靚模何佩瑜（Jeana）與張栢芝胞弟張柏文拍拖一年多便戀情告急！二人前日在Instagram暗示分手，據知Jeana與柏文身邊各自有「小三」出現，Jeana發現男友借傾生意為由偷會富家女後爆罵戰，她昨承認：「我哋依家分房瞓！」
Jeana自去年與張柏文拍拖後，便與男友形影不離，不久已共賦同居。可是近日盛傳二人感情出現問題，前日還不約而同在Instagram發功，暗示「分手」，Jeana寫道：「Close your eyes. Clear your heart. Let it go. 閉上眼睛，清理你的心，過去的就讓它過去吧。」此文一出，眾好友關心Jeana是否分手，但她沒刻意回應。
未幾柏文隔空回應，暗示感情出現誠信問題：「當一個人經常講大話，連一d（啲）小事都要講大話嘅時候，你慢慢就會對佢冇咗信任，冇咗信任之後唔知係唔係就應該要放手的時候呢？P.S. "各位！請不要對號入座"……」但二人昨日已刪去有關貼文。
疑各有小三
事實上，Jeana近日已不時在社交網站暗示感情出現問題，據二人身邊好友透露，Jeana近日與一名外籍畫家愈行愈埋，早前她更不避嫌在Instagram上載一張老外畫家為Jeana所繪的人像作品。至於近日發奮做生意的柏文，近日則與一名富家女過從甚密，經常飛甩Jeana獨自夜蒲。上周Jeana好友Hailey C.舉行生日派對，原邀二人一同出席，可是柏文臨時甩底，遺下Jeana落寞赴會，據知柏文當天借傾生意為由推卻邀請，其實另有約會，當Jeana知道後，更爆發一場罵戰。
承認「冷靜下」
Jeana昨在電話中回應是否出現第三者之說：「人哋話唔好對號入座，我梗係唔會啦！感情要互信，冇就要冷靜下！（係咪分咗手？）每段感情到一定時間要休息下，相處係有濃有淡！」雖然仍是同居關係，但Jeana坦言已分房瞓：「嗌完交之後仲好嬲，呢排都係分房瞓！」
文：專案組