就趙碩之與大名娛樂的合約糾紛，律師黃國桐認為即使藝人簽了續約通知書，亦不能代表已續約，他說：「通知書只代表間公司能夠實行續約權，即係有權優先同佢續約。至於續約與否，除咗藝人必須知道新合約內容，例如係咪合情合理外，仲要雙方一齊商議有共識先得。即係話，若藝人仲未知道新合約嘅內容，同未動筆簽新合約嘅話，係唔等於續咗約。」