羅霖暗示養仔有困難

前亞姐羅霖、歌手張苡澂等前晚出席由「國際太太」舉辦的慈善活動，問到正搞離婚的羅霖會否感到身份尷尬？她回應：「唔會，我都做過太太，又係媽咪。」問到她的小朋友是否已習慣父母離異？她笑言：「佢哋暫時OK，反而我自己未習慣，因為我慣咗無時無刻都照顧佢哋。第二個仔反而鍾意冇人管，依家佢可以玩夜啲。」她表示尚未辦妥離婚手續，自己亦希望取得三個孩子的撫養權，但她表示：「我冇固定職業，有少少不足，有啲困難。（劉坤銘聲稱有畀贍養費。）每個人衡量唔同，三個小朋友都讀國際學校，支出較大，依家畀律師處理。」
仍未辦妥離婚的羅霖表示希望取得三個孩子的撫養權。
仍未辦妥離婚的羅霖表示希望取得三個孩子的撫養權。

而張苡澂則透露因老公與巴西有生意來往，稍後將有機會為巴西唱宣傳歌及拍MV。另外，黃夏蕙以美少女戰士造型到場，非常搶鏡。

張苡澂稍後有機會到巴西工作。
  • 張苡澂稍後有機會到巴西工作。