區瑞強開騷志偉趕到晒高音
區瑞強（Albert）上周五起假伊館舉行一連三場「區瑞強好友情演唱會」，邀得眾圈中好友包括曾志偉、黎瑞恩、譚詠麟、呂方及胡楓等任各晚的嘉賓，前晚志偉從日本返港撐場，Albert說：「其實佢喺日本拍緊最新一輯《獎門人》，為咗我先飛返嚟，唱完又飛走，真夠老友。」問志偉歌喉如何？Albert讚他是唱得之人，因為他夠高音，所以唱《House Of Rising Sun》時會特別出色。至於另一嘉賓譚詠麟，Albert就以「人精」來形容他：「阿倫好識搞氣氛，成日爆肚，令所有觀眾都好開心。」
Albert兩位兒子亦有上台合唱，但他說不想兒子當歌手：「建議佢哋視唱歌為嗜好，做歌手辛苦，佢哋喺美國讀書返嚟，已有份正職。」Albert演唱會好評如潮，問他可考慮進軍紅館？他說可考慮，但自己喜歡較細場地，因更易和歌迷互動。
阿倫一早可退休
另外，阿倫接受電台訪問時，稱當年在電台頒獎禮宣布不攞獎前，曾在更衣室向合作夥伴承諾：「我就算唔攞獎都會努力。」他又說曾在錄音室遇見「冇一粒字啱音，冇一段唱到完整」的女歌手，更揚言早在二、三十年前已賺夠錢退休。
文：音樂組