楊愛瑾再發力 要感動觀眾
楊愛瑾（Miki）昨日出席「M21青年短片電影節」，為其初出道時參演的電影《B420》舉行分享會，她重溫當年的樣子時笑不攏嘴。剛完成電視劇拍攝的Miki透露近日簽了新經理人公司，老闆乃《B》片的導演鄧漢強，將主力拍電影。
Miki入行多年，如今才真正發力，她笑謂：「我會努力追番，想做多啲屬於自己嘅嘢，做一件感動觀眾同令自己滿意嘅事。（公司叫你低調感情事？）不嬲都低調，我鍾意工作，拍拖可以。（公司有冇唔准結婚？）又冇呀！」Miki籌備暑假推出散文集，預計會寫感情。問到會否擔心似其餘「餅碎」般被挑錯字？她指會先讓公司一名專業編劇過目。