李嘉欣乖仔打手印 化妝品遭殃

「大美人」李嘉欣昨日以大使身份出席愛彼女皇盃活動，她笑言絕不會與老公穿家庭裝，但不介意與囝囝Jayden Max（小JM）穿母子裝。她又大爆小JM非常頑皮：「佢見我着長裙會匿喺裏面，當巾咁Fing，又成日篤我啲化妝品，依家啲化妝品有晒佢啲腳印同手印。」她表示如小JM做錯事，會打手掌懲罰他：「打佢我都會心痛，但都要交戲扮惡，小朋友知咩位食到我。爹哋就一係唔惡，一惡佢就驚。」她表示除非囝囝有危險否則不會呼喝他：「囝囝尋日喺屋企跌倒，自己都呆一呆，真係搞到我心臟病，嚇死，點知囝囝自己幾秒後就狂叫、笑同再跑。」