何傲兒自保著多幾條褲
最近何傲兒緋聞富家男友在夜店手多揭「爆E超蓮」鍾采羲（Iris）裙底，難怪昨日出席活動時，何傲兒穿上長褲兼澄清二人只是朋友，更謂選美時已訓練有素如何保護自己：「着短裙會打底，如果覺得唔安全會着多幾條打底褲。」
藝人何傲兒（Lily）與胞姐何傲芝昨日出席活動，問到二人男友可有陪同到場？二人即時澄清自己是單身。提到緋聞富家男友在夜店涉嫌手多多揭Iris裙底，Lily表示有看報道，但二人已沒有聯絡，更謂以她認識的對方有風度及斯文，她說：「自己唔喺現場所以唔清楚事件，環境咁暗，可能角度問題。（有冇不禮貌對你？）冇，我哋互尊互重。」
強調朋友關係
Lily補充沒有與對方飲酒，但相信對方不會手多多。問到如何保護自己？她直言選香港小姐時訓練有素，經理人都有提點：「着短裙會小心同打底，如果覺得唔安全會着多幾條打底褲。」她又指與傳聞男友一年前在活動上認識，強調由始至終只是朋友，感覺不到有人追，自己亦不心急拍拖，遇到好男仔才拍拖。
同場的模特兒莊思敏表示有看報道，更呼籲女仔要識保護自己，如被非禮或不禮貌對待應報警：「我都見唔少，但我就未試過咁。女仔喺夜場唔好同陌生人太近，唔好受酒精同音樂而影響自己，唔好做令人誤會嘅動作，要尊重朋友嘅男友。」
文：名人組