「雙子情人」預告親熱 子珊喪減肥
徐子珊自去年《雷霆掃毒》後人氣升了不少，獲無綫力捧的她繼《神槍狙擊2013》後，連黃子華「回巢」拍攝文偉鴻監製下月開拍的新劇《My盛Lady》（暫名），也被欽點與他飾演情侶，令其餘花旦羨慕不已。據知，子珊除可在連場對手戲中挑戰子華的演技外，其造型亦大有驚喜，但為免過早曝光，劇組人員對此三緘其口。
談到要與演技派同場過招，作為後輩的子珊當然緊張非常，為免有任何差池，子珊透露於開拍前已做了不少準備工夫，除重溫子華過往的作品，了解他如何跟對手互動，亦有做運動操弗自己，她笑謂：「雖然聽咗故仔，叫做打咗底，但我仲未見到子華，所以一直好緊張，好期待，造型前一晚瞓唔着添！（做情侶可能有攬抱嘅戲份喎，介唔介意？）劇情需要嘅話我OKo架，但我諗要進行地獄式減肥嘞！（你已經好瘦！）未夠喎！我黐線o架！驚到時真係要抱起我，但我太重抱唔起點算？好尷尬啫！」
談到子華被拍到與達明茶敍，似大有機會客串新劇，子珊得悉後即興奮謂：「如果佢加入梗係好啦，佢兩個都係好戲之人！」