李美鳳半肩夠撐

膊頭夠橫、夠骨感，上加身形靚的女士，才適合穿單肩，否則不能展現優點之餘，反而暴露自己缺點。時裝作家Janice就認為李美鳳的單肩造型最搭配得美，非常fashionable！

李美鳳

好好睇，好fashionable，無論髮型或化妝都充滿時代氣息，雖然髮型望落casual，但呢種正正係歐美流行嘅，以為冇刻意set頭，但其實係有。簡單睇佢搽咗黑色指甲油，已經係cool爆造型。

范曉萱

好大膽，手臂紋身襯上單肩裙，令我諗起日本黑幫電影中嘅女人，單肩、紋身加髮型，整個Look有欠高貴與莊重。

陳敏之

裙款好靚，簡單高貴又fresh，畀人感覺好舒服，而且佢係模特兒身形，着得好靚，不過就「太太」咗啲，髮型set得太高，欠缺時代感。

朱璇

一般女神造型，冇任何飾物搭配空咗啲。藝人出活動要留意，唔係經常會影全身相，所以戴番條頸鏈或耳環，令上身視覺更豐富。

陳敏之	朱璇	張筱蘭

小S

有夜之女感覺，黑色mini skirt個個都着到，冇乜點搭配，化妝、髮型、首飾襯唔出型格。其實小S可以着得型啲，戴兩隻大手鈪，加入骷髏骨rock嘅元素，短髮容易style出型look。

劉馥怡	王麗儀（Janice Wong）

珊迪娜布洛

頸飾條帶冇咗會更靚，依家好似多餘咗。下身嘅cigarette pants今季好流行，不過佢着得對腳短咗，顯得比較矮。

張筱蘭

馬德鐘太太張筱蘭着出女王霸氣，桃紅色搶眼奪目，多pieces複雜得嚟好睇，而且襯上嘅珠寶好高貴隆重。樣貌、髮型、化妝各方面佢都carry得好，大器十足。

劉馥怡

上海模特兒劉馥怡着得不過不失，佢個長袖較鬆身，貼啲會好睇好多。如果佢係想走型格路線，可以加多rock味重嘅飾物，加強番個風格。

Profile

王麗儀（Janice Wong），現為時裝作家及博客（blogger），是16年前首位華語媒體，遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。