陳宛蔚包餃天使
「味之天使」陳宛蔚（Calinda）最愛吃小籠包、餃子等中國北方美食，她坦言全因受祖籍山東的母親影響，更試過在家開設「餃子工場」：「我媽咪係山東人，我細細個就成日食媽咪同外婆整嘅餃子，依家有時我都會同屋企人一齊包餃子，每次我哋都會包三、四百隻餃子，好似開咗個迷你工場咁，場面真係好誇張，啲餃子足夠我哋全家人食幾日。」
Calinda又笑言自小已是「食物焚化爐」，食量驚人：「我好大食，中學時期我試過下午茶時間一次過食晒兩個巨無霸加一個蘋果批。」入行後，為了滿足食欲又保持弗爆身材，她坦言秘訣是多食生果和蔬菜沙律：「咩類型嘅沙律我都鍾意食，我真係好鍾意食生果同蔬菜，因為當中有好多維生素同纖維，可以keep fit之餘，皮膚仲會靚啲。」
