阿佘破Dry (目及)中「脹爆伊健」
Dry爆的佘詩曼近年感情沒着落，日前好友郭少芸更充當媒人，帶同兩名高大靚仔與阿佘中環晚膳「相睇」，其間阿佘與當中的「脹爆伊健」極為投契，傾到唔捨得走，最終上郭少芸寓所繼續溝通。
佘詩曼自與鄭嘉穎分手後，雖然身邊不乏追求者，早前更傳出她撻着富二代奀星麥子樂，發展姊弟戀，但阿佘堅決否認，坦言感情仍然未有着落，難怪郭少芸要出手為Dry足三年多，下月便38歲的阿佘做媒人，日前特地為好姊妹安排「相睇」飯局。
當晚大約八時許，阿佘獨自驅車現身中環，見她泊好車後即一臉心急，匆匆步入了附近一間極具浪漫情調的餐廳，會合早已在場的郭少芸及兩名長髮型男。現場所見，阿佘初時與兩男表現生疏外，但熱身過後他們便傾個不停，阿佘還與當中一名面圓圓、貌似鄭伊健的高大男狀甚投契，兩人話題不絕，阿佘更講到不時甜甜笑，最終這餐「相睇」飯局，吃了足足近兩小時才完場。四人步出門口時，阿佘更與「脹爆伊健」肩並肩而行繼續交流。
郭少芸扮懵冇做媒人
醒目的郭少芸見狀，即行快兩步，好讓他們有獨處空間，阿佘更講到唔捨得走，之後郭少芸便提議往下場，他們站於街頭商量了一會，阿佘即往取車，雖然轉頭便會合，但離不遠處的「脹爆伊健」仍依依不捨，與阿佘對望了一會才與她揮手，一臉受落的阿佘之後便與他們前後腳到達郭少芸寓所，與「脹爆伊健」繼續暢飲溝通。
身在內地的郭少芸，對於為阿佘做媒人，她為保護好姊妹竟說：「我喺內地工作，點會同佢食飯。」
文：追蹤組