熊黛林拒講舊情：頂咗七年

昨日仍戴上「分」戒的熊黛林與助手一同返港，戴黑超的Lynn在機場受訪，談到有傳她七年前跟舊愛范駿已訂婚一事，她有備而來說：「我一路以來都覺得啲報道愈來愈無聊，過去七年無數次畀人話嫁咗出去，原來我真係錯咗，唔係七年，係八年前已經畀人嫁咗出去。（訂咗婚？）梗係冇。（拍過拖？）七年前已經答過，七年後唔想再講，我預咗會有更加多寫衰我嘅嘢，我已經頂咗七年，我頂得住。」

「依家未夠幸福」

Lynn又否認因城城撇舊愛；對於城城指分手不是那麼簡單，她說：「件事已經過咗去。」問到跟城城是否仍是朋友？她點點頭，再問與范駿的關係，她竟變臉不屑說：「唔係好記得呢個人，（有指你同城城分手，佢好心涼？）嘩，多謝關心。」

「分」戒。	郭富城與苟芸慧的關係撲朔迷離。	袁詠儀昨未肯評論城城與熊黛林分手一事。

問Lynn是否準備接受新戀情？她笑說：「都七七八八，慢慢開始，（有新戀情就除低『分』戒？）如果有日我覺得自己好幸福同幸運，唔需要呢隻戒指帶畀我幸運，我就會除低，但我依家未夠幸福，（即係城城畀唔到幸福你？）唔係呢。」

Lynn又謂不介意與「情敵」苟芸慧同場工作，亦不會避吃城城最愛的火鍋。Lynn昨步出機場閘口前半小時，剛巧城城好友張智霖太太袁詠儀（靚靚）從北京返港，靚靚甫見記者即八封問等誰，記者指是其好友Lynn，靚靚即封口：「哦，我喺北京拍戲返嚟，（擔唔擔心H7N9？）我喺空氣好清新嘅地方拍戲，又冇食雞。」記者再問她還有否跟Lynn聯絡，她即急步離去。

另外，Lynn前晚到上海出席內衣品牌活動，她現身時有點咳嗽，又笑說：「如果唔係咁多記者跟住我，我應該會好快有新戀情，我覺得拍拖係女仔最好嘅護膚品，希望所有女仔永遠都浸喺愛河。」

文：名人組