江美儀搞ATV同學會 220人撐場
前晚一眾前任及現任亞視職藝員，在油麻地一所酒家筵開20席舉行「A記同學會」飯聚，藝人江美儀、陳煒、張文慈、文頌嫻、鮑起靜、夏春秋、戚黛黛、蔡國威等，約220人赴會，場面熱鬧。
召集人之一的江美儀表示聚會屬私人活動，與亞視無關，她透露鮑姐在聚會上的一番話令人感動：「見番一班朋友好感動，佢都講到流淚。」
另外，資深六合彩主持夏春秋雖行動不便，但都有到場，而歷代六合彩主持包括戚黛黛、蔡國威等一同合照，非常難得。
江美儀又笑言全晚都不斷抽獎，人人又食又拎，她謂：「本身大會都準備咗一萬蚊現金獎，之後都有人拎錢出嚟抽，煒哥最豪氣，拎咗8000蚊出嚟！有人仲拎咗9條金蛇出嚟抽！」