樂基兒正能量迎挑戰
前黎明嫂樂基兒（Gaile）日前以代言人身份為護膚品牌拍攝電視廣告，今年已是她第六年出任代言人，酬勞亦有增冇減。容光煥發的Gaile透露之前到了多個地方旅行充電：「我去咗美國滑雪，又去咗峇里，玩咗好多水上活動，好似滑水同衝浪，感覺好fresh。」
她認為女生們要power up自己，在各方面取得平衡，包括做適量及適合自己的運動，保持心境開朗，注意飲食，以及用有效的護膚品。Gaile說：「我都同樣會面對年紀愈大，新陳代謝愈慢嘅問題，所以要keep住做運動，畀自己正能量，先可以應付唔同嘅挑戰。」