余思敏護女傷腳老公心痛

余思敏昨日出席護膚化妝品牌活動，見她左腳包紮着紗布，友人全程地攙扶，她表示日前抱女兒行樓梯時踏空而扭傷腳，嚇得女兒哭了起來，她說：「可能下星期考車，自己緊張之餘，又冇乜食嘢，暈一暈，我為保護個女免跌親，緊緊抱住個女，好彩佢冇事。（老公有冇心痛？）有，佢話送我去醫院，我話唔使，之後老公幫我包紮，依家只係腫腫地。」她又笑言原先出門前嘗試穿高跟鞋，可惜最後行不到而取消念頭，還稱下星期考車試都不知如何應付。
余思敏扭傷左腳，只可穿平底鞋出席活動。
余思敏扭傷左腳，只可穿平底鞋出席活動。

至於會否認同囡囡腳頭好，所以老公奪得金像獎男配角？她笑說：「咁咪好囉！不過佢都好努力！」另外，鄭中基接受有線訪問，表示得獎後太激動難眠，又不停回覆訊息，亦令老婆冇覺好瞓。

鄭中基受訪時表示得獎後激動難眠。
  • 鄭中基受訪時表示得獎後激動難眠。