阿佘被擺上枱笑鬧志偉

昨日佘詩曼出席護膚品牌「LANCOME Absolue尊貴茶聚」活動，其他出席嘉賓還有羅霖、莊思敏、溫碧霞及李蕙敏等。其中久未露面的阿佘透露多在內地工作，活動完畢後便要趕往杭州，問到可擔心H7N9疫情？她說：「冇嘢嘅，自己抵抗力好啲，食多啲維他命囉，不過我都唔會周圍去，做完嘢就返酒店！」

唔信冇人唔講粗口

對於曾志偉生日會上一眾明星好友唱粗口歌，壽星公志偉更公然表示應該邀請阿佘一同上台唱？她聽罷笑說：「講笑啫！嗰晚太開心好嘈，聽唔到唱乜嘢，又聽唔到講乜嘢，係一個好開心嘅晚上，（即係話你成日講粗口喎？）講笑啫，嗰晚全部都係自己人，一家人關埋房門咩笑都講得，唔會嬲！（你從不講粗口？）我唔相信冇人唔講粗口，不過係睇場合同發生咩事，一般就唔應該用粗口鬧人！（佢有冇向你道歉？）我噚（前）晚先同佢食飯，咪同佢講佢個衰人擺我上枱囉！（擔心影響形象？）如果我十幾年嘅形象畀佢一句話就打散，咁我就要好好檢討吓喇！」

志偉	汪圓圓與母親（左）及阿姨（右）齊齊出席活動。

圓圓望苟芸慧開心

而對於有傳苟芸慧介入並導致郭富城跟熊黛林分手，苟芸慧因此被指風騷發姣，曾被指為「姣佘」的她就忠告謂做好自己就好，只要有實力就不怕被人家說三道四，她並指不贊成做第三者，自己亦不曾當「小三」。

李蕙敏想開告別單身演唱會。

溫碧霞貫徹露膊形象。

至於同場兩位待嫁的歌手李蕙敏（Amanda）及模特兒汪圓圓則忙於籌備婚禮，其中Amanda笑言想舉行一個告別單身演唱會，她已邀請了填詞好友黃偉文參加婚禮。而圓圓就謂男友蔡加讚常不在港，故婚禮事宜都由她策劃；對於好友苟芸慧被指做小三？圓圓表示跟對方認識多年，二人一同在加拿大長大，不過就沒有透露感情事，問她相不相信苟芸慧是「小三」？她謂no comment，只希望所有朋友都開心。

文：名人組