沈震軒想見最後一面

陳僖儀（Sita）車禍身亡，身在佛山拍劇的好友沈震軒於微博傷心得以粗口宣洩，更想放下工作回港見Sita最後一面。記者昨致電沈震軒，曾與Sita在電影《喜愛夜蒲2》合作的他謂：「我哋好好傾，我臨離港時都有同佢唱K，好想返嚟見佢最後一面，我同劇組傾過，但唔可以影響拍攝進度，原本之後同佢一齊拍葉念琛部戲，佢作咗首歌，諗住一齊唱。」問知否Sita有甚麼心願？他謂：「佢好想喺紅館開演唱會。」HotCha的Crystal及Winkie都很傷心，Crystal傷心得不能回應，只以短訊指Sita是他最好朋友，Winkie亦震驚到喊，她指欠Sita一餐生日飯。Sita鄰居兼好友朱紫嬈指與她不時於家中樓下見面，又會互相借衫。Sita另一朋友連詩雅說知道消息後都忍不住流淚。