周汶錡來勢空空
鏤空元素熱潮又來！鏤空圖案常見於春夏服裝中。而時尚作家Janice亦非常喜歡鏤空元素的衣服，她認為鏤空幾何圖案優雅、美麗，她說：「現時好多鏤空衫都運用嶄新雷射切割方法製造，將圖案cutout得非常工整。」雖然周汶錡與Emma Stone撞衫，但呈現不同感覺，Janice覺得周汶錡着得最好看。
周汶錡
「好靚，畀人好高貴感覺。模特兒身形已經佔咗先天優勢，佢膊頭夠橫。雖然髮型係女神feel，但配飾方面好fashionable，襯咗對chucky耳環，帶出型格感覺。」
Emma Stone
「Emma髮型唔娘，反而時髦得多，配合埋妝容好靚。鬼妹仔輪廓五官靚，又係佔優秀，佢身形瘦削，carry得好。」
陳慧琳
「安全又穩陣，係70年代風格造型，tuck-in衫、喇叭褲。Kelly天生樣子型格，唔係甜美型，個樣已經有個look出咗嚟。佢生得高，着長褲好睇、好適合。」
熊黛林
「碎花鏤空圖案唔及網紋鏤空咁靚，係一個casual嘅出街造型，match咗個粉紅色手袋，係女人味重嘅休閒look，勝在佢係模特兒，樣貌、身高冇得輸。」
陳法拉
「不過不失，我認為襯番條設計特別啲嘅belt會好睇多好，而條褲就好好睇，係今季流行嘅cigarette pants。其實佢可以玩雌雄同體，效果更有型。」
董敏莉
「好保險，唔fashionable。佢有着衫打底，只係騷咗手臂透視。幸好佢手臂唔粗，肥人好棹忌，會逼爆件衫，到時啲紋就會撐大晒。佢套衫其實係casual wear，髮型唔應set咁行。」
Profile
王麗儀（Janice Wong），一位時裝作家及博客（blogger），是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。