Amanda S.收頭髮信嚇餐飽
名模Amanda S.前晚出席品牌住宅慶祝派對，她透露在亞洲與歐洲都有投資物業，但不肯透露有多少。身為甜品店老闆的她，除吸引fans慕名而至，她自爆最近多了陌生人來找她：「好多人嚟鋪頭搵我，叫我畀啲嘢其他明星或者名人！唔想講係邊個，但有人畀咗封信我，入面有頭髮，叫我畀一個有錢人嘅老婆，我好驚，一見到就掉咗。（點解唔拒絕？）唔想冇禮貌，亦唔識Say No！」
同場的應昌佑坦言有留意老闆黎明與前妻樂基兒的新聞：「不過唔會問，同佢好少講私事。（佢心情受影響？）冇！我結婚時見過佢，都冇嘢喎。（公司已冇樂基兒物件？）冇乜見到。」
