陳煒風水唔夾 再搵千萬靚盤

陳煒自從嫁了台灣商人顏志行後淡出娛圈，但戲癮發作的她去年底復出簽約無綫後，憑美好身材加上積極態度，中港兩地工作不斷，半年內已成功吸金夠付千萬豪宅首期，準備由荃灣蝸居「升呢」到心水豪宅畢架山花園。日前她被《好報》拍得與陳志雲昔日愛將、現已轉行做「金牌經紀」寧進一齊睇樓。

想做黃金中女

不過篤信風水命理的陳煒，經介紹看了三個逾千呎單位後，將資料交予其風水師傅批算，最後高人指點她所看的部分單位不太適合其個人命格，故要再四出求心水靚盤。

陳煒昨日接受電話訪問時稱：「師傅話某啲座數、樓層係唔適合我住，而我睇嘅部分單位都犯上呢個問題，所以要再次物色其他樓盤以便選擇。始終買樓唔係買棵菜！真係好希望早日搵到吸金靚樓，咁先可以做到『黃金中女』嘛！」

陳煒復出後積極工作，自然吸金成功。	陳煒拿着屋苑圖則，頻頻問寧進意見。	睇完樓，陳煒即到家品店物色家具。

寓興趣於搵錢

另外，剛完成新劇《神槍狙擊2013》的陳煒，將會陪老公到法國公幹，之後又忙籌備她主理的烹飪書，故睇樓重任將交給家姐和爸爸負責。

陳煒說：「我出烹飪書，都要好多時間籌備，希望趕得切今年書展。煮嘢食我最鍾意，出呢本書係想同fans分享吓當中樂趣。搵錢唔係主要目的，但如果可以寓興趣於搵錢，咁就當然好啦。」

文：影視組