舒淇否認情傷等緣到

藝人舒淇前晚以黃色deep V裙出席澳門金沙城慶祝開業一周年慶典，席間她烏身打手印為「星光之橋」進行開幕禮時險些露點走光。

為入圍者加油

談到今屆的香港電影金像獎，舒淇以一直在台灣拍戲，未有留意誰人入圍，可有留意女主角？她說：「我冇睇晒全部，只知道江若琳有提名。（係咪冇提名所以冇壓力？）我依家對獎項都睇得好淡，最重要大家都鍾意部戲，得獎係天時地利人和，唔得獎唔代表唔好，我幾年前都好緊張攞獎，到攞咗之後就輕鬆晒，希望入圍嘅人都加油。」

舒淇與馮德倫，關係撲朔迷離。（資料圖片）	烏身簽名	打手印

「長留他人心中」

提及感情狀況，舒淇表示愛情講緣分：「同樣都需要天時、地利、人和。（你同緋聞男友馮德倫依家乜嘢關係？）講咗幾年，唔想再講。（唔去導演劉偉強生日派對，為咗避馮德倫？）唔係特登避，我當時未返嚟香港，我舊年、前年都冇去。（依家感情狀況？）大愛。（多人追？）唔係。（接受追求？）睇緣分啦，遇到啱嘅人就會順其自然發展，唔使追，但如果情侶之間有裂縫，好似嗌交咁，就要自己爭取。」她又引用電影《西遊‧降魔篇》段小姐的台詞：「總有一日會長留他人心中。」

對於她在微博常發表一些疑似抒發情傷的文章，舒淇否認是自己的感受：「寫嘅都係人哋嘅故事。」

舒淇有留意H7N9禽流感肆虐內地，日內她會去北京，揚言冇得擔心，最緊要大家小心同保持衞生：「我之前流鼻水，啲人都望住我，我都要戴番口罩驚傳染人。」

文：影視組