張家輝危險任務交畀城城
郭富城（Aaron）、張家輝、內地演員江一燕、導演彭順及寰宇電影公司老闆林小明前晚出席電影《同謀》的首映活動，期間，兩位影帝級人馬Aaron及家輝與台上互笠高帽，Aaron讚家輝好細心，而家輝則指對方靚仔及用心演戲。提到現時內地的H7N9禽流感疫情繼續散播，Aaron坦言之後都要為此片到內地宣傳，自己都會盡量多注意，不過為了工作都不能避免返內地。
對票房有信心
說到疫情可能會影響觀眾不敢入場看電影，Aaron淡定說︰「依家病情未到恐慌性，我見湯唯套戲喺內地同香港票房都好好，相信呢套都會好。」問他有否叮囑女友及家人要小心一點，他笑謂︰「講番套戲啦！我自己都要去大陸試車。」至於有家室的家輝則大唱反調，指健康最緊要，指自己因為要開工，故不用返內地宣傳，更笑言︰「我交晒畀阿城，最多返嚟我同佢遊車河，（人哋有女伴使乜搵你？）唔好講埋啲衰嘢。」問家輝是否因為有小朋友所以不敢返內地？他謂︰「唔關事，大家應注意健康，啲危險嘢交畀阿城。」
江一燕sell可愛
至於家輝會見美國名導演米高曼，他表示一星期前對方通過經理人聯絡他，又指只是初步聽部戲的故事，笑言抱着小fans心態見偶像，家輝又透露獲品牌Gucci度身訂造西裝出席金像獎，更指未試過着一套那麼合身的西裝。
而有份角逐金像獎「最佳女配角」的江一燕謂︰「自己得獎與否，都想看到周迅攞獎，（搵咗性感戰衣未？）我不是行性感路線，會選揀可愛服飾。」
文︰影視組