入行15年的張栢芝，今年決定大搞生日派對與粉絲同歡，據知，今次派對的特別之處，是將有一位「神秘男」陪伴栢芝共度生辰，在如此重要的日子現身，令人懷疑該「神秘男」正是栢芝新歡！
張栢芝加入娛圈已15年，為紀念這特別日子，今年她將在廣州搞大型派對，與追隨她多年的粉絲們慶祝她踏入33歲。栢芝今次會跟三百多位粉絲近距離接觸，而今次派對最特別之處，是會有位「神秘男」現身，陪栢芝共度生辰。
雖然今次派對是於5月19日舉行，非栢芝5月24日生日當天，但能在眾多粉絲前陪栢芝公開亮相，「神秘男」一定是有分量的人，加上近年栢芝不乏追求者，故有傳該男士是栢芝新歡。
記者就栢芝大搞生日會一事致電其經理人，她回應：「今年栢芝生日確實會大搞，（有神秘男現身？）總之有神秘嘉賓，到時你哋咪知囉。（點解喺廣州搞？）因為栢芝想方便內地嘅粉絲，佢哋去廣州唔使簽證。（擔唔擔心H7N9？）會做足防禦措施。」
栢芝近期忙於為內地公益節目練跳水、練跳舞，雖然她曾表示自己不擅長跳舞，但有份為她排舞的星級導師Chris就讚她記性好：「佢跳得唔錯，只係欠啲信心同對自己要求太高，好多時練到受傷都堅持練。（點解跳舞唔叻仲接呢個節目？）為慈善，我由佢17歲識佢到依家，佢不嬲都積極做慈善，呢樣嘢我好欣賞。（有唔少負面報道話佢冇嘢做先去接電視騷。）近期好多藝人都有接呢啲公益騷，但偏偏栢芝就被寫成咁負面，對佢好唔公平。」
文：影視組