馮鎵瀠炒車險死異鄉

性感女星馮鎵瀠（Naomi）日前與o靚模好友黃榕到台灣墾丁旅行，玩高卡賽車時發生意外，不幸「炒車」弄傷頸、胸口和左右腳，即在當地看急診，雖然不用留院，但就要用拐杖行路。提到事發經過，Naomi猶有餘悸表示：「我當時同人賽車鬥快，點知黃榕龜速行走阻住晒，我為咗避開佢，跟住就撞落啲輪胎度，即時傷到氣門透唔到氣，仲暈咗一暈，我真係以為自己會死！後尾睇醫生照X光，好彩冇骨折，但醫生話我要一個月先會好番。」