吳雨霏拍心口證女友地位
歌手吳雨霏（Kary）、薛凱琪（Fiona）、林二汶及王菀之等昨日出席電台活動，提到Kary早前被記者撞破與男友余文樂的「溫馨飯局」，她表示：「當晚有少少混亂，本來打算去睇戲o架，惟有直接返屋企，最緊要架車冇事。」問到Kary樂仔心痛記者撞到她還是「愛驅」？Kary拍晒心口話：「唔使問啦！」足見Kary地位超然。
至於Fiona表示自己正減肥，問到現時的Cup數？她笑說：「我嗰度（胸部）冇新聞價值，我賣聲帶同演技，（會否為藝術加工？）淨係睇上圍好貶低女性的地位，（如工作需要？）要同屋企人講吓。」