衞蘭叫媽咪盡快閃

衞蘭：媽咪依家喺韓國，我暫時未收到開戰消息，等我打電話畀媽咪了解吓情況先再決定點樣做。如果韓國真係有危險，會叫媽咪盡快離開。其實我都好耐冇同媽咪住，或者叫佢嚟我屋企暫住先。

洪天明：媽咪依家喺香港，但佢啲親戚喺韓國。（擔心？）唔知，我諗唔會喺咁嘅形勢亂嚟，嗰邊都有呼籲外國人疏散。（叫佢哋小心啲？）小心都冇用，睇定啲先，應該唔會太離譜，南韓咁多人，要走一日都走唔切啦！

宋芝齡：媽咪啱啱去咗韓國，但佢同親戚都住喺近中國嘅位置，所以應該唔會打到去。自己都有少少擔心，但唔係非常擔心，暫時我都冇諗住叫媽咪快啲飛返嚟，睇吓情況先。

宋芝齡	洪天明	Donald

Donald：我媽咪係韓國人，因為父母喺我3歲時離婚，我同媽咪、韓國嘅親戚都好少聯絡。據知媽咪依家喺香港，所以唔擔心佢嘅安全，但好擔心韓國人民嘅安全，依家可以做嘅係集合大家嘅祝福，希望可以改變到嗰個人（北韓領袖金正恩）嘅決定。