唐貝詩遊成都險飲烏龜湯
寇鴻萍女兒唐貝詩（Lydia）早前趁復活節假期與家人到了成都旅行及探望在當地工作的舅父，而後父梁廷鏘則順道巡視當地的餐飲業務。今次是Lydia首次到成都，他們參觀了著名的樂山大佛及熊貓基地，但可惜無緣抱抱熊貓：「我一朝早就到態貓基地，但原來下晝去先有得抱熊貓，算係今次旅行少少遺憾。」另外，此行發生了不少難忘事，他們在其中一日遇上飛蟻滿天飛，她說：「當日我愈行就愈覺得唔對路，見到愈來愈多飛蟻，後來我唔敢再行。我舅父話佢住成都咁耐，都未見過咁多飛蟻，呢件事仲上埋當地新聞頭條。」
漫天飛蟻外，Lydia還見識了烏龜火鍋：「我去到其中一間火鍋店，佢湯底竟然有隻烏龜係入面，嚇到我即時要求換湯底。」Lydia透露今次旅費由媽咪全包，以獎勵她努力工作，她覺得最難得是可以與公公及婆婆同行。提到早前Lydia被拍到有男伴陪她shopping，她笑言報道出街後獲不少朋友恭喜她有拖拍，她說：「我想講我依家仲係單身。佢唔係我男朋友。」
