吳國敬騷舞姿似碌杉
吳國敬與鄧建明（Joey）請來廿年前合唱金曲的前歌手何婉盈（Elaine）擔任演唱會嘉賓，昨日三人進行綵排時，阿敬預告將會在台上跳舞，並稱在排舞時被嚇倒：「排舞師排咗好多舞步，我自己要求少啲，郁吓就算。雖然我姐手姐腳，成碌杉咁，但都有進步。」他又指女友會親自為戰衣釘閃珠，在旁的Joey大講有味笑話：「哇，釘邊度先？」阿敬笑說：「你見唔到嘅地方。」
而已轉行做金融的Elaine指無意復出幕前，問已離婚的她現在可有男友？她說：「少少啦，我有呢個年紀嘅市場。依家雖然open咗，但未搵到一個令到我有衝動結婚嘅人。」