楊汀叮韓國撩靚仔失手

楊汀叮早前與八位好友到韓國玩足六日，可能因天氣依然寒冷及處融雪期，她一到埗即病倒，感冒又發燒，她說：「我上飛機前已經唔係好舒服，全程喺飛機度都耳鳴，落機之後全日耳仔都痛，但難得一班好友一齊玩，所以唔理，由朝行到夜照玩照食，我班朋友都覺得我癲，而且我又唔戒口，乜都食，一日食足五餐，搞到肥咗8磅，依家要積極減肥。」
楊汀叮大讚當值士兵靚仔，忍不住拍照留念。
楊汀叮大讚當值士兵靚仔，忍不住拍照留念。

汀叮又大讚韓國人友善：「有一日我搭的士漏低咗個電話，好驚，嚇到喊，跟住好辛苦之下搵到架的士嘅電話，個司機仲親自送返個電話過嚟畀我，真係好感動，佢又完全唔貪心，我畀小費佢唔收。（有冇艷遇？）有啲韓國男仔撩傾偈，但佢哋唔係好識英文，完全溝通唔到，所以冇理佢。」汀叮又謂在旅遊景點見到有個當更士兵好靚仔，不但主動與對方影相，又撩對方，但對方當值中，完全不理她，連一眼也沒有望她，認真專業。

汀叮一日食足五餐，結果肥咗8磅。
  • 汀叮一日食足五餐，結果肥咗8磅。