周柏豪處男晒腿玩突破
潮人周柏豪早前為法國時裝品牌拍攝宣傳照，柏豪更兼任styling，並玩露腿誘惑，他笑言：「我好鍾意自己襯衫，同埋都好信自己嘅眼光。我以前好少着短褲o架，因為覺得露條腿出嚟好似怪怪咁，但我今次想試吓！」柏豪共換了十多套不同服裝，被現場工作人員大讚身形弗，他坦言為此下過不少苦功：「網上好流行『人魚線』呢個名詞，即是指男人腹部兩邊、接近骨盤上面嗰兩條V形線，我上年演唱會嘅時候有特別去練呢個位，我嘅偶像郭富城就練得好弗，佢係我嘅榜樣。」
另外，他又談到網購的有趣經歷，柏豪之前曾遺失了一隻很喜歡的耳環，後來竟然在拍賣網中找到同款耳環：「我喺個拍賣網輸入『周柏豪、耳環』，點知真係出現我唔見咗嘅同款耳環，雖然唔係我原本嗰隻，但都好開心。」
