黃子華恨咀子珊 唔使落地獄
藝人黃子華、謝安琪（Kay）、羅力威及林德信等分別在前晚及昨日出席「饑饉三十2013」活動，將拍攝無綫劇集的子華透露會與徐子珊、黎耀祥、許紹雄合作，問他會否擔心與子珊傳緋聞？子華笑說：「最怕冇，我會盡量配合畀大家發掘。（唔介意同子珊拍咀戲？）同一個靚女明星咀，話介意會落地獄o架！」
Kay聞H7N9驚驚
Kay則承認對H7N9禽流感疫情感驚慌，並透露過去數月已吃定補品打底：「成家人食好多保健嘢對抗流感，幾個月前又食靈芝、蟲草打定底。」她又稱已教囝囝張瞻不要用手捽眼同鼻：「之前有訓練佢要洗手，依家佢好自動自覺。」
至於剛由北京返港的羅力威透露此行是去見經理人霍汶希，對於當地疫情，羅力威說：「冇乜嘢，未睇到疫情好嚴重。」隨即表示還與經理人去食麻辣火鍋，問他會否擔心疫情蔓延？他說：「都擔心，我唔係成日返內地，反而同事多返，希望唔好有事。」
文：音樂組