蔚雨芯行性感被取笑「空」軍
藝人陳國峰與J2台監製謝英偉合份開設的拉麵店昨日開張，圈中好友蔚雨芯、狄易達、白健恩、李思欣、范振鋒、陳庭欣、吳國敬等到賀。有指蔚雨芯因賈曉晨（JJ）離巢後即拋胸轉行性感獲力捧，蔚雨芯作出否認，是否JJ離巢令她多了機會？她指自己去年一直多job：「不過我默默耕耘冇人知，係我行性感之後先多人留意。」在旁的狄易達笑她是「空（胸）」軍：「我就係陸軍。」
首次當老闆的陳國鋒心情既興奮又緊張，他說：「我哋幾個partner合資7位數字，店名『巨一麵堂」係謝英偉構思，因我係『巨聲幫』出身，所以用返個巨字。」舖租每月要6位數，他承認有少少擔心生意。大可叫緋聞女友岑麗香來捧場？陳國鋒說：「佢好忙，費事搞到佢啦，我怕佢尷尬。（香香話咗唔尷尬。）咁我驚我尷尬，不過佢都有祝我生意興隆。」
