Jocelyn：上堂趕走負能量
身為Alice B.老友的名模Jocelyn，昨晚在電話中坦言得知對方患有抑鬱，她說：「前排出席活動時見過Alice，佢有同我講過件事，我都想盡力幫佢。兩年前我開始上正能量工作坊，希望佢都可以同我一齊上堂，咁就可以幫佢搵出唔開心嘅原因，然後將體內嘅負能量整走晒，希望遲啲大家夾到時間，一齊上堂。」
至於另一好拍檔名模Cara G.，不知好友有抑鬱，愕然的說：「成件事好可怕！但我好明白佢嘅感受，因為我十幾歲嗰陣都試過患上抑鬱，當時除咗睇醫生同食藥，都有去旅行放鬆吓。我會建議Alice搵屋企人陪佢，屋企人對我哋好重要！」
