李丞責：「峯語」有夫妻相
吳千語昨日在活動上被梁思浩大爆年內結婚，問到同場的堪輿學家李丞責，千語是否紅鸞星動？事後他透過電話訪問時表示：「佢同林峯有啲夫妻相，不過如果講紅光，黃婉曼比佢好。其實林峯面相睇得出佢28-38歲呢10年會搵到合適嘅結婚對象，但就要等到猴年或雞年結婚機會比較高。」
而思浩又拖黃婉曼落水，他謂：「婉曼會喺12月結婚。」令全場竊竊私語，他更指會為自己主持的娛樂節目成立專屬狗仔隊，追訪藝人一舉一動。
當黃婉曼被追問婚期，她拋出一句：「到時咪知真唔真囉！年尾太長遠喇，我都唔知點解，等陣問吓思浩。結婚一世人總有一次，你哋儲吓人情先啦。」不過她透露日前返鄉下潮州探親兼拜山，慨嘆當地人防疫意識薄弱，更膽粗粗食用過雞湯：「因為係親戚養，煮到熟應該問題不大。」