香香多人追 溫家偉「嚟真」
「宅男女神」岑麗香昨日穿小熱褲出席「SINOMAX枕頭大戰2013」活動，同場嘉賓還有兩位緋聞男友陳國峰及溫家偉，三人不避嫌大方合照，香香事後表示不感尷尬：「我哋大家都係朋友，講下笑啫，又唔係真係有嘢，點解要尷尬呢？」陳國峰笑言能夠成為香香第一個緋聞男友而感開心，但謙稱渺小不敢高攀女神。
廣東話不純正的溫家偉表示會對香香「嚟真」，令人以為他對香香真的有意思，及後才澄清香香在新劇《神槍狙擊2013》的角色叫做「黎珍」，他說：「我哋『嚟真』係好朋友。」香香亦解釋：「大家都係朋友，如果佢哋搵到自己鍾意嘅女仔都會戥佢哋開心。」她透露拍劇時雖獲一眾猛男照顧，但亦經常受傷：「我有場關於訓練嘅落地戲，但膊頭因為咁『磨薑』，同埋我有次唔小心批（月爭）整傷對手。」
